Մեսի․ Այս մրցաշրջանում ունենք հստակ ծրագիր
21:54 15 օգոստոսի, 2018Կատալոնական «Բարսելոնայի» հարձակվող Լիոնել Մեսին խոսել է առաջիկա մրցաշրջանի մասին։ Հիշեցնենք, որ արգենտինացին դարձել է «Բարսելոնայի» ավագը։
«Ինձ համար մեծ պատիվ է լինել «Բարսելոնայի» ավագը։ Գիտեմ, թե ինչ է ինձ սպասվում, բայց մշտապես տեսել եմ այնպիսի մարդկանց, ինչպիսիք են Պույոլը, Չավին և Ինյեստան։
Այս մրցաշրջանում ունենք հստակ ծրագիր։ Նորեկները կօգնեն մեզ այն իրականություն դարձնել։ Անցյալ տարի «Բարսելոնան» հաղթեց Իսպանիայի առաջնությունում և դարձավ գավաթակիր, բայց այնքան հաջող չէինք Չեմպիոնների լիգայում։ Կանենք ամեն ինչ, որ Չեմպիոնների լիգայի գավաթը վերադառնա «Կամպ Նոու»»,- Մեսիի խոսքն է փոխանցում Mundo Deportivo-ն։
«Բարսելոնան» 13-րդ անգամ նվաճեց Իսպանիայի սուպերգավաթը (երկրորդ տեղում «Ռեալն» է՝ 10): Մարոկկոյի Տանժեր քաղաքում տեղի ունեցած խաղում Էռնեստո Վալվերդեի գլխավորած թիմը կամային հաղթանակ տարավ «Սեւիլիայի» նկատմամբ՝ 2:1:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։