Ամերիկացի բասկետբոլիստի նյարդերը տեղի են տվել խաղի ժամանակ

«Տրոտամունդոս» ակումբի ամերիկացի բասկետբոլիստ Տերել Ստոգլինը տգեղ վարքով է առանձնացել Վենեսուելայի առաջնության եզրափակիչ շարքի 7-րդ խաղում: Ամերիկացին խաղի ժամանակ մոտեցել է մրցավարին եւ, նրա ձեռքից վերցնելով գնդակը, այն ոտքի հարվածով ուղարկել է դեպի տրիբունա: Դրանից հետո նա հանել է մարզաշապիկը եւ խաղահրապարակից հեռանալիս նաեւ միջնամատ ցույց տվել երկրպագուներին:

Հանդիպումից հետո «Տրոտամունդոս» ակումբը թվիթերյան էջում ներողություն է խնդրել երկրպագուներից: Այդ խաղում «Տրոտամունդոսը» պարտվել է 86:97 հաշվով եւ տանուլ տվել նաեւ եզրափակիչ շարքը (3:4):

COMUNICADO

En relación a lo sucedido con el importado Terrell Stoglin en el séptimo juego de la #GranFinal.#LPB2018#TrotamundosBBC pic.twitter.com/YByRtmRejc

— TROTAMUNDOS BBC (@trotamundosbbc1) August 13, 2018