Ռոնալդո. Շնորհակալ եմ բոլորին
19:11 14 օգոստոսի, 2018Լեգենդար բրազիլացի ֆուտբոլիստ Ռոնալդոն շնորհակալություն է հայտնել երկրպագուներին աջակցության եւ բարեմաղթանքների համար։
Բրազիլիայի հավաքականի նախկին հարձակվողը Իբիցայում հոսպիտալացվել էր գրիպի եւ թոքաբորբի պատճառով։ Նա արդեն ապաքինվել է եւ դուրս է գրվել հիվանդանոցից։«Ողջույն, բոլորին։ Մի քանի օր անց դարձյալ տանն եմ։ Շնորհակալ եմ բոլորին բարի մեկնաբանությունների եւ դրական էներգետիկայի համար։ Շնորհակալ եմ բժիշկներին։ Հիմա կենտրոնանանք ֆուտբոլի վրա։ Այս մրցաշրջանը կլինի անհավանական եւ խոստանում է ավելի շատ նորություններ»,– Թվիթերում գրել է 41–ամյա Ռոնալդոն։
«Բարսելոնայի» ու Մադրիդի «Ռեալի» նախկին հարձակվողը հիվանդանոցից դուրս է եկել պահեստային մուտքով, որպեսզի խուսափի լրագրողների հետ հանդիպումից: Ռոնալդուն Իբիցա էր մեկնել ընտանիքի հետ հանգիստն անցկացնելու համար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։