Louis Vuitton-ի դիզայները համազգեստ է պատրաստել Սերենա Ուիլյամսի համար (ֆոտո)

15:12   14 օգոստոսի, 2018

Աշխարհի նախկին առաջին ռակետ Սերենա Ուիլյամսը US Open-ում հանդես կգա Nike ընկերության նոր համազգեստով: Համազգեստի դիզայներն է Off-White բրենդի հիմնադիր, Louis Vuitton-ի տղամարդու հագուստի գծով կրեատիվ տնօրեն Վիրջիլ Աբոլոն, փոխանցում է Off-White-ի մամուլի ծառայությունը:

Համազգեստի առաջին տարբերակը սեւ է, իսկ երկրորդը՝  լավանդայի գույն: Ամերիկացի թենիսիստուհին հանդես կգա Nike Court Flare մարզական կոշիկներով:

Սերենա Ուիլյամսի համազգեստի գինը 500 դոլար է եւ ԱՄՆ-ում կվաճառվի Nike-ի ոչ բոլոր խանութներում: US Open-ն անցկացվելու է օգոստոսի 27-ից սեպտեմբերի 9-ը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։