ՈւԵՖԱ-ն ներկայացրել է Երեւանի «Ալաշկերտի» ու «Փյունիկի» մասնակցությամբ հանդիպումների մրցավարներին Եվրոպայի լիգայի որակավորման երրորդ փուլի պատասխան խաղերում, փոխանցում է ՈւԵՖԱ-ի կայքը:
Իսրայելում կայանալիք «Մաքաբի Թել Ավիվ» - «Փյունիկ» խաղը կսպասարկի ֆինն Վիլե Նեւալայնենը, իսկ եզրային մրցավարները կլինեն նրա հայրենակիցներ Վիլե Կոսկինիեմին ու Միկա Լամպուն:
«Ալաշկերտի» եւ «Կլուժի» միջեւ Ռումինիայում անցկացվելիք հանդիպումը վստահվել է իսլանդացի մրցավարների: Գլխավոր մրցավար է նշանակվել Վիլհյալմուր Թորարինսոնը, որին եզրերում կօգնեն Գիլֆի Մար Սիգուրդսոնը եւ Բիրկիր Սիգուրդսոնը:
2 հանդիպումներն էլ կկայանան օգոստոսի 16-ին:
Հիշեցնենք, որ առաջին խաղում «Ալաշկերտը» տնային պարտություն է կրել 0:2 հաշվով, իսկ «Փյունիկը» բավարարվել է գոլազուրկ ոչ ոքիով:
«Մաքաբիի» արգելքը հաղթահարելու դեպքում «Փյունիկը» որակավորման վերջին փուլում կհանդիպի նորվեգական «Սարպսբորգի» եւ խորվաթական «Ռիեկայի» դիմակայության հաղթողի հետ:
«Ալաշկերտի» ու Ռումինիայի չեմպիոն «Կլուժի» դիմակայության հաղթողի հաջորդ մրցակիցը կլինի լեհական «Լեգիայի» (Վարշավա) ու Լյուքսեմբուգի «Դյուդելանժի» միջեւ դիմակայության հաղթողը:
Ֆոտո՝ «Փյունիկի» մամուլի ծառայություն
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։