Լոնդոնի «Արսենալի» չեխ դարպասապահ Պետր Չեխը Լեւերկուզենի «Բայերին» մեղադրել է ոչ պրոֆեսիոնալ վարք դրսեւորելու մեջ: Չեխին դուր չի եկել գերմանական ակումբի ակնարկն այն մասին, որ «Արսենալի» դարպասը պետք է պաշտպանի թիմի նորեկ Բերնդ Լենոն:
«Արսենալի» ու «Մանչեսթեր Սիթիի» միջեւ Պրեմյեր լիգայի առաջին տուրի խաղում չեխ դարպասապահը դրվագներից մեկում թույլ է տվել կոպիտ սխալ, ինչից հետո լոնդոնյան ակումբը մոտ էր գոլ բաց թողնելուն: Դրանից հետո «Բայերը» թվիթերյան գրառումով ակնարկրել է, որ Բերնդ Լենոն «Արսենալի» փոխարինողների թվում է: «Բայերի» թվիթերյան էջը հիշեցրել է նաեւ Լենոյի մասնակցությամբ կոմբինացին, որն ավարտվել էր գոլով:
Պետր Չեխը մեկնաբանել է «Բայերի» հրապարակումները՝ կատարելով հետեւյալ գրառումը. «Արսենալում» կան կարեւոր արժեքներ, որոնք մեզ մեծ ակումբ են դարձնում ոչ միայն ֆուտբոլային առումով: Արդար մրցակցությունն ու պրոֆեսիոնալիզմը առաջնային են: Ցավալի է տեսնել, որ որոշ ակումբներ չեն տարանջատում դրանք»:
Գերմանական ակումբը շատ արագ ներողություն է խնդրել Պետր Չեխից եւ գովել նրան տպավորիչ սեյվի համար:
Հիշեցնենք, որ Բերնդ Լենոն այս ամռանը «Բայերից» էր տեղափոխվել «Արսենալ»: Գերմանացի դարպասապահի տրանսֆերը կազմել էր 25 միլիոն եվրո:
In case you all were wondering how to play out of the back... pic.twitter.com/LZkxznsGPs
— Bayer 04 Leverkusen (@bayer04_en) August 12, 2018
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։