«Բարսելոնան» կձգտի մինչեւ օգոստոսի 31-ը կատարել Պոգբայի տրանսֆերը
14:16 10 օգոստոսի, 2018«Բարսելոնան» կշարունակի ջանքեր գործադրել, որպեսզի մինչեւ օգոստոսի 31-ը իրականացնի աշխարհի չեմպիոն Ֆրանսիայի հավաքականի կիսապաշտպան Պոլ Պոգբայի տրանսֆերն անգլիական «Մանչեսթեր Յունայթեդից», հաղորդում է Mundo Deportivo-ն:
Պոգբան ցանկանում է հեռանալ «Մանչեսթեր Յունայթեդից», քանի որ լարված հարաբերություններ ունի թիմի պորտուգալացի գլխավոր մարզիչ Ժոզե Մոուրինյոյի հետ:
Պոգբայի գործակալ Մինո Ռայոլան այժմ բանակցում է կողմերի հետ:
Խնդիրը Պոգբայի բարձր տրանսֆերային գինն է: «Մանչեսթեր Յունայթեդը» հրաժարվել էր նրան փոխանակել կատալոնական ակումբի խաղացողներ Իերի Մինայի եւ Անդրե Գոմեշի հետ հավելավճարով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։