Մոուրինյո. Սուտ է, թե ես վատ հարաբերություններ ունեմ խաղացողների հետ
12:48 10 օգոստոսի, 2018Սուտ է, թե ես վատ հարաբերություններ ունեմ մեր թիմի խաղացողների հետ, ասել է անգլիական «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն՝ մեկնաբանելով բրիտանական մամուլի բազմաթիվ հրապարակումներն այդ թեմայով:
«Հազար անգամ կրկնած սուտը չի դառնում ճշմարտություն: Ես գոհ եմ իմ տրամադրության տակ եղած ֆուտբոլիստներից եւ հավանում եմ նրանց հետ աշխատանքը: Ես հաճույք ստացա անցած մրցաշրջանում մեր մրցելույթներից: Մենք հրաշալի պայքարեցինք եւ նախորդ հինգ տարում գրանցեցինք ակումբի լավագույն տեղը Պրեմյեր լիգայում:
Անհամբեր սպասում եմ նոր մրցաշրջանի մեկնարկին: Առայժմ անիմաստ է խոսել ֆավորիտների մասին: Նոյեմբեր-դեկտեմբերին կարելի է խոսել այդ թեմայով: Իսկ առայժմ պետք է ընդամենը ֆուտբոլ խաղալ»,- Մոուրինյոյի խոսքը մեջբերում է Goal.com-ը:
«Մանչեսթեր Յունայթեդն» ամառային տրանսֆերային պատուհանի ժամանակ նորեկ չունեցավ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։