Ավստրիական «Շտուրմի» եւ Կիպրոսի ԱԵԿ-ի մասնակցությամբ Եվրոպայի լիգայի որակավորման երրորդ փուլի առաջին հանդիպման ժամանակ ավստրիացի երկրպագուներից մեկը տրիբունայից նետած բաժակով կոտրել է եզրային մրցավար Ֆրեդերիկ Կլիվերի գլուխը:
Միջադեպը տեղի է ունեցել 78-րդ րոպեին: Հանդիպումն ընդհատվել է եւ վերսկսվել է 40 րոպե անց: Մրցավարը չի կարողացել շարունակել աշխատանքը, նրան փոխարինել է չորրորդ մրցավարը: Ոստիկանները կարողացել են տեսագրությունների միջոցով բացահայտել գարեջրի բաժակ նետած ֆանատին:
2:0 հաշվով հաղթել է ԱԵԿ-ը: Պատասխան հանդիպումը տեղի կունենա օգոստոսի 16-ին Լարնակայում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։