Զլատկո Դալիչը կշարունակի զբաղեցնել Խորվաթիայի հավաքականի գլխավոր մարզիչի պաշտոնը: Որոշումն ընդունվել է Խորվաթիայի ֆուտբոլային միության նախագահ Դավոր Շուքերի հետ հանդիպումից հետո, հաղորդում է կազմակերպության մամուլի ծառայությունը:
51-ամյա մասնագետը նոր պայմանագիրը կկնքի հաջորդ շաբաթ:
«Կարեւոր էր հանդիպումը Շուքերի հետ: Ես շնորհակալ եմ նրան ինձ հասկանալու համար: Մենք լուծեցինք բոլոր խնդիրները: Անհամբեր սպասում եմ նոր մարտահրավերների»,- ասել է Դալիչը:
Հիշեցնենք, որ Ռուսաստանում անցկացված աշխարհի առաջնությունում Խորվաթիան դարձավ փոխչեմպիոն՝ եզրափակիչում պարտվելով Ֆրանսիայի հավաքականին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։