Դոնալդ Թրամփը պատասխանել է Լեբրոն Ջեյմսին

10:32   6 օգոստոսի, 2018

ԱՄՆ-ի նախագահ Դոնալդ Թրամփը պատասխանել է «Լոս Անջելես Լեյքերսի» բասկետբոլիստ Լեբրոն Ջեյմսի հայտարարությանը, որը նա արել էր CNN-ին տված հարցազրույցում: Ամերիկացի բասկետբոլիստը նշել էր, որ Թրամփը սպորտն օգտագործում է ամերիկացիներին տարանջատելու համար: Ջեյմսը նաեւ ասել էր, որ չի նստի մեկ սեղանի շուրջ ԱՄՆ-ի նախագահի հետ:

«Լեբրոն Ջեյմսի հետ հարցազրույց էր վարում հեռուստատեսությունում ամենաբթամիտ մարդը՝ Դոն Լեմոնը: Նա արեց այնպես, որ Լեբրոնը թողնի խելացի մարդու տպավորություն, իսկ դա հեշտ չէ: Ես նախընտրում եմ Մայքլ Ջորդանին»,- թվիթերյան էջում գրել է Դոնալդ Թրամփը:

Հիշեցնենք, որ Լեբրոն Ջեյմսն այս ամռանը «Քլիվլենդից» է տեղափոխվել «Լոս Անջելես Լեյքերս», որի հետ կնքել է 4 տարվա պայմանագիր:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։