Զավեն Բադոյանը միացել է «Արարատին», թիմն ունի եւս 3 նորեկ արտասահմանից
22:20 4 օգոստոսի, 2018Երեւանի «Արարատի» կազմը համալրել են 4 ֆուտբոլիստներ, հայտնում է ակումբի մամուլի ծառայությունը:
«Արարատ» է տեղափոխվել Հայաստանի հավաքականի նախկին կիսապաշտպան Զավեն Բադոյանը, որը նախորդ մրցաշրջանում խաղում էր Լիբանանի առաջին դիվիզիոնի առաջնությունում հանդես եկող «Շաբաբ Ալ Սահել» ակումբում:
Երեւանյան ակումբի հետ պայմանագրեր են կնքել նաեւ ռուսական «Կոլոմնայից» տեղափոխված Ալան Տատաեւը, լեհական «Ապինից» տեղափոխված Ժերմանո Ֆիլհո Ռոնալդ Սեզարը եւ ռուսական «Լուչ-Էներգիայից» հեռացած Դմիտրի Մալյական: Ռուս 28-ամյա կիսապաշտպան Մալյական Ռուսաստանի առաջնությունում խաղացել է «Ռոստովի» կազմում:
«Արարատը» նաեւ երկկողմ համաձայնությամբ խզել է պայմանագրերը Արման Մելիքսեթյանի, Արգիշտի Պետրոսյանի եւ Գեղամ Թումբարյանի հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.