Ռուսաստանի բռնցքամարտի ֆեդերացիան Ազգային ժողովի պատգամավոր Արթուր Գեւորգյանին շնորհավորել է Հայաստանի բռնցքամարտի ֆեդերացիայի նախագահի պաշտոնում վերընտրվելու կապակցությամբ:
«Հայաստանի բռնցքամարտի ֆեդերացիայի հերթական համաժողովի ժամանակ ընտրվեց նախագահ: Միաձայն վերընտրվեց Արթուր Գեւորգյանը: Ռուսաստանի բռնցքամարտի ֆեդերացիան շնորհավորում է Արթուր Գեւորգյանին ընտրություններում տարած հաղթանակի առթիվ»,- նշված է Ռուսաստանի բռնցքամարտի ֆեդերացիայի կայքում:
Հիշեցնենք, որ Հայաստանի բռնցքամարտի ֆեդերացիայի 12-րդ համաժողովում առաջադրված միակ թեկնածուն գործող նախագահ Արթուր Գեւորգյանն էր, որն ընտրվեց 58 կողմ, 0 դեմ, 0 ձեռնպահ ձայներով:
Արթուր Գեւորգյանը 2013 թվականի նոյեմբերից է զբաղեցնում Հայաստանի բռնցքամարտի ֆեդերացիայի նախագահի պաշտոնը, որում նա փոխարինել էր Արման Մուրադյանին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։