Պաշտոնական․ Բոնուչին վերադառնում է «Յուվենտուս», իսկ Իգուաինը կխաղա «Միլանում»
23:26 2 օգոստոսի, 2018Իտալական «Միլանը» պաշտոնապես հայտնել է, որ իտալացի պաշտպան Լեոնարդո Բոնուչին տեղափոխվում է «Յուվենտուս», իսկ թուրինյան ակումբի ֆուտբոլիստներ Մատիա Կալդարան ու Գոնսալո Իգուաինը կարիերան կշարունակեն միլանյան թիմում։
Արգենտինայի հավաքականի հարձակվող Իգուաինը «Միլանում» կխաղա վարձակալությամբ (1 տարի), որի ավարտից հետո միլանցիները ձեռք կբերեն նրա տրանսֆերային իրավունքը։ Բոնուչիի եւ Կալդարայի համար ակումբների կողմից հավելյալ վճարներ չեն լինելու։
Ավելի վաղ հաղորդվում էր, որ Իգուաինի վարձակալության համար «Միլանը» վճարելու է 18 միլիոն եվրո։ Լեոնարդո Բոնուչին «Յուվենտուսի» կազմում խաղացել է 2010-2017-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։