Բելառուս մասնագետ Վադիմ Սկրիպչենկոն նշանակվել է «Արարատ-Արմենիայի» գլխավոր մարզիչ եւ այդ պաշտոնում կփոխարինի Անդրանիկ Բաբայանին, հայտնում է ակումբի մամուլի ծառայությունը:
42-ամյա Սկրիպչենկոն ունի մարզչական Pro արտոնագիր: Նա մարզչական կարիերան սկսել է 2008 թվականին բելառուսական ԲԱՏԷ-ում: 2011-2013 թվականներին գլխավորել է բելառուսական «Մինսկը», որի հետ 2013-ին դարձել է Բելառուսի գավաթակիր: Սկրիպչենկոն գլխավորել է նաեւ ռուսական «Ուրալ», «Կռիլյա Սովետով» եւ «Անժի» ակումբները: Մախաչկալայի «Անժիում» նա աշխատում էր նախորդ մրցաշրջանում:
Գյումրիի «Շիրակին» են միացել երկու աֆրիկացի ֆուտբոլիստներ։ 25-ամյա կոնգոցի հարձակվող Կաբանգու Կադիմա Ջոնսը «Շիրակ» է տեղափոխվել հունգարական «Հոնվեդ» ակումբից, որտեղ հանդես է եկել 16 տարեկանից։
Մալին ներկայացնող 19-ամյա հենակետային կիսապաշպան Մուսա Դիակիտեն հայկական ակումբին միացել է իսպանական «Սիլտուրալ Լեոնեսա» թիմից։
Երկու ֆուտբոլիստների հետ էլ կնքվել է երկու տարվա պայմանագիր։
Հայաստանի Բարձրագույն խմբի նորեկ «Արցախը» մեկ տարվա պայմանագիր է կնքել Հայաստանի մինչեւ 21 տարեկանների հավաքականի հարձակողական ոճի կիսապաշտպան Հովհաննես Պողոսյանի հետ: «Արցախում» Պողոսյանը հանդես կգա վարձավճարով, իսկ նրա տրանսֆերային իրավունքը պատկանում է Երեւանի «Փյունիկին»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։