Հայաստանի հավաքականը հրաժարվել է Եվրոբասկետ-2021-ի նախընտրական փուլի մասնակցությունից

14:16   2 օգոստոսի, 2018

Բասկետբոլի տղամարդկանց Հայաստանի ազգային հավաքականը չի մասնակցի Եվրոբասկետ-2021-ի նախընտրական փուլին, հայտնում է ՀԲՖ մամուլի ծառայությունը:

Հաշվի առնելով այն հանգամանքը, որ Հայաստանում չկա Եվրոբասկետ-2021-ի նախընտրական երկրորդ փուլի պահանջներին համապատասխանող մարզադահլիճ, Հայաստանի բասկետբոլի ֆեդերացիան որոշում է կայացրել հրաժարվել մրցաշարին մասնակցելու իրավունքից:

Հայաստանի հավաքականի փոխարեն նախընտրական փուլում հանդես կգա Կիպրոսը:

Հիշեցնենք, որ Հայաստանի հավաքականը Եվրոբասկետ-2021-ի նախընտրական երկրորդ փուլի խմբային մրցաշարում ընդգրկվել էր D ենթախմբում, որտեղ պետք է մրցեր Ավստրիայի եւ Մեծ Բրիտանիայի հավաքականների հետ: Մրցաշարը մեկնարկելու է սեպտեմբերին: Ենթախմբի հաղթողը դուրս կգա հաջորդ փուլ:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։