«Մանչեսթեր Յունայթեդը» տուգանել է Մարտիալին. Մոուրինյոն չգիտի, թե արդյոք ֆրանսիացին վերադառնալու է ակումբ
15:15 1 օգոստոսի, 2018Անգլիական «Մանչեսթեր Յունայթեդը» ֆրանսիացի հարձակվող Անտոնի Մարտիալին 250 հազար դոլարով տուգանել է ինքնակամ ակումբի ճամբարը լքելու համար, գրում է The Sun-ը:
22-ամյա ֆուտբոլիստը լքել է ԱՄՆ-ում ընթացող հավաքը եւ արդեն 8 օր չի մարզվում թիմի հետ: Որդու ծնվելու առթիվ Մարտիալը մեկնել է Փարիզ, սակայն մինչեւ օրս չի միացել «Մանչեսթեր Յունայթեդին»՝ չնայած թիմի գլխավոր մարզիչ Ժոզե Մոուրինյոյի պահանջին: Բրիտանական մամուլի համաձայն՝ պորտուգալացի մասնագետը ցանկանում է բաժանվել հարձակվողից:
Մոուրինյոյի խոսքով՝ նա չգիտի, թե արդյոք Մարտիալը վերադառնալու է «Մանչեսթեր Յունայթեդ»:
«Մարտիալի մասին հարցերն ուղղեք մամուլի քարտուղարին, եւ եթե նա ցանկանա, ապա կպատասխանի: Ես չգիտեմ՝ արդյոք Մարտիալը միանալու է իր թիմակիցներին»,- Մոուրինյոյի խոսքը մեջբերում է Sky Sports-ը:
Ավելի վաղ լուրեր էին շրջանառվում, որ ֆրանսիացի հարձակվողի ծառայություններով հետաքրքրված են Մյունխենի «Բավարիան», Լոնդոնի «Տոտենհեմն» ու այլ ակումբներ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.