Միշա Ալոյանի անձնական մարզիչ. Կիսաեզրափակիչին կմոտենանք առավելագույն տրամադրվածությամբ
18:24 8 օգոստոսի, 2012Մենք լավ ուսումնասիրել ենք կիսաեզրափակիչում Միշա Ալոյանի մրցակից Տուգստոգտ Նյամբայարին, ասել է ռուսաստանցի բռնցքամարտիկի անձնական մարզիչ Էդուարդ Կրավցովը, փոխանցում է rian.ru-ն։
«Այժմ մոնղոլ բռնցքամարտիկն ավելի է ուժեղացել, բայց մենք գիտենք, որ նա ունի ավելորդ քաշի խնդիր, ինչը կազդի նրա արագության վրա։ Միեւնույն ժամանակ նա լավ է պատրաստված ֆունկցիոնալ, երեք ռաունդն էլ անցկացնում է բարձր տեմպով։ Տեխնիկայի եւ մարտավարության տեսանկյունից ոչ մի նոր մոտեցում նա չունի։ Նա փորձում է ագրեսիվ լինել։ Գրոհների ժամանակ ունի ավտոմատիզմի հասցրած երկու-երեք կոմբինացիա։ Մենք մանրակրկիտ ուսումնասիրել ենք, թե ինչպես է Նյամբայարը մենամարտել Օլիմպիական խաղերի նախապատրաստական փուլում։ Օգոստոսի 8-ին, կվերլուծենք մեր մրցակցի մենամարտերը, տեսական աշխատանք կանենք, իսկ օգոստոսի 9-ին ռինգում կհղկենք որոշ մարտավարական դրվագներ։ Կձգտենք, մենամարտին մոտենալ առավելագույն տրամադրվածությամբ եւ կենտրոնացվածությամբ»,- ասել է Էդուարդ Կրավցովը։
Հիշեցնենք, որ օգոստոսի 10-ին Ալոյանը կմենամարտի եզրափակիչի ուղեգրի համար։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.