Սերժ Սարգսյան. Արսեն Գալստյանի հաղթանակը շատ կարեւոր եւ թանկ խորհրդանիշ է

17:48   8 օգոստոսի, 2012

Նրանց համար, ում թանկ է հայ-ռուսական համագործակցությունը՝ Գալստյանի հաղթանակը շատ կարեւոր եւ թանկ խորհրդանիշ է, հայտարարել է Սերժ Սարգսյանը Մոսկվայում Ռուսաստանի նախագահ Վլադիմիր Պուտինի հետ բանակցություններից հետո։ Լրագրողներից մեկը հիշեցրել է, որ Ռուսաստանի առաջին ոսկին 30-րդ Օլիմպիական խաղերում նվաճել է հայ ձյուդոիստ Արսեն Գալստյանը։

«Մենք շնորհավորում ենք մարզիկներին Օլիմպիադայում մեծ հաջողության հասնելու առթիվ, անկախ նրանց էթնիկ պատկանելությունից։ Իսկապես, որոշ մրցաձեւերում մենք ավելին էին սպասում, իսկ այնտեղ, որտեղ ակնկալիք չկար՝ ստացվեց։ Սպորտը մնում է սպորտ։ Ամեն դեպքում, մենք հպարտանում ենք մեր մարզիկներով։ Օլիմպիադան դեռ չի ավարտվել։ Դեռ վաղ է ամփոփել վերջնական արդյունքները։ Մենք կվերլուծենք արդյունքները ավելի ուշ եւ կանենք համապատասխան հետեւություններ։ Ես շնորհավորում եմ նրանց, ովքեր գերազանց արդյունք են ցույց տվել։ Ռուսաստանը կշարունակի աջակցել օլիմպիական շարժմանն ու օլիմպիզմի սկզբունքներին»,- ասել է Վլադիմիր Պուտինը։

«Բոլոր նրանց համար, ում թանկ է հայ-ռուսական համագործակցությունը՝ Գալստյանի հաղթանակը շատ կարեւոր եւ թանկ խորհրդանիշ է։ Սա մեկ անգամ եւս հաստատում է, որ մենք միասին ավելի ուժեղ ենք։ Ի դեպ, Հայաստանի օլիմպիական թիմում եւս կան Ռուսաստանում ծնված մարզիկներ։ Ընդհանուր առմամբ, մեր թիմի ելույթը գնահատում են ոչ վատ եւ հաջողություն եմ մաղթում մնացած օրերում»,- նշել է Սերժ Սարգսյանը։

Հիշեցնենք, որ Հայաստանի եւ Ռուսաստանի նախագահները այցելել էին Լոնդոն եւ հետեւել էին մի շարք մրցումների ընթացքին։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։