Անգլիան պատրաստ է Քաթարի փոխարեն ընդունել ԱԱ-2022-ը
20:51 30 հուլիսի, 2018Անգլիայի ֆուտբոլային ասոցիացիայի նախկին ղեկավար Դևիդ Տրիսմանը նշել է, որ Քաթարը չի կարող ընդունել ֆուտբոլի աշխարհի 2022 թվականի առաջնության եզրափակիչ մրցաշարը, եթե ապացուցվի, որ ընտրությունների ժամանակ ՖԻՖԱ-ի կանոնակարգը խախտվել է։ Տրիսմանը նաև ասել է, որ Անգլիան պատրաստ է ընդունել ԱԱ-2022-ը։
«Եթե ապացուցվի, որ Քաթարը խախտել է ՖԻՖԱ-ի կանոնակարգը, ապա այնտեղ չի կարելի անցկացնել աշխարհի առաջնություն։ Այդ դեպքում սխալ կլինի, եթե Անգլիայի թեկնածությունը չքննարկվի»,- Տրիսմանի խոսքն է փոխանցում Evening Standard-ը։
Ավելի վաղ Times-ը գրել էր, որ Քաթարը դիմել է հատուկ ծառայությունների օգնությանը, որպեսզի ՖԻՖԱ-ն քվեարկի իր օգտին։
Հիշեցնենք, որ ԱԱ-2022-ն ընդունելուն հավակնում էին Ավստրալիան, ԱՄՆ-ը եւ Ճապոնիան ու Հարավային Կորեան (համատեղ հայտով)։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։