Հայտնի են Երեւանի «Ալաշկերտի» ու «Փյունիկի» մասնակցությամբ հանդիպումների մրցավարների անունները Եվրոպայի լիգայի որակավորման երկրորդ փուլի պատասխան խաղերում, փոխանցում է ՈւԵՖԱ-ի կայքը:
Հուլիսի 31-ին Երեւանի «Հանրապետական» ստադիոնում կայանալիք «Փյունիկ» - «Տոբոլ» (Ղազախստան) խաղը կսպասարկի չեխ Պետր Արդելեանուն, իսկ եզրային մրցավարները կլինեն նրա հայրենակիցներ Յիրի Մոլաչեկն ու Յակուբ Հրաբովսկին:
«Ալաշկերտի» եւ Չեռնոգորիայի չեմպիոն «Սուտյեսկայի» միջեւ օգոստոսի 2-ին Երեւանի «Հանրապետական» ստադիոնում անցկացվելիք հանդիպումը վստահվել է բուլղարական մրցավարական բրիգադին: Գլխավոր մրցավար է նշանակվել Իվայլո Ստոյանովը, որին եզրերում կօգնեն Իվո Կոլեւը եւ Գեորգի Դոյնովը:
Հիշեցնենք, որ առաջին խաղում «Փյունիկը» 1:2 հաշվով պարտվել է ղազախական ակումբին, իսկ «Ալաշկերտն» արտագնա հաղթանակ է տարել նվազագույն հաշվով:
Ֆոտո՝ «Փյունիկի» մամուլի ծառայություն
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։