«Բանանցին» միացել է գանացի հարձակվող, թիմից հեռացել է սերբ կիսապաշտպան
18:35 26 հուլիսի, 2018Երեւանի «Բանանցը» պայմանագիր է կնքել գանացի հարձակվող Նաթանիել Ասամոայի հետ, հայտնում է ակումբի կայքը:
28-ամյա Ասամոան կարիերայի սկզբում հանդես է եկել գանական «Վա Օլ Սթարս» եւ «Ասանտե Կոտոկո» ակումբներում, այնուհետև խաղացել է սերբական «Ցրվենա Զվեզդայում», Մարոկկոն ներկայացնող «Ռաջա Կասաբլանկայում» եւ գանական «Ադունա Սթարսում»:
Հարձակվողը նաեւ հանդես է եկել Գանայի ազգային հավաքականում՝ 2015-ին մասնակցելով երկու ընկերական խաղի:
«Բանանցից» հեռացել է սերբ կիսապաշտպան Օգնեն Կրասիչը, որի հետ պայմանագրի ժամկետը լրացել է:
30-ամյա ֆուտբոլիստը «Բանանցում» անցկացրեց 2017/18 մրցաշրջանը: Նա մասնակցել է Հայաստանի առաջնության եւ գավաթի խաղարկության 31 խաղի, խփել է 2 գոլ եւ կատարել է 5 գոլային փոխանցում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։