Ռուսաստանի հավաքականի կիսապաշտպանը տեղափոխվում է «Մոնակո»
00:15 26 հուլիսի, 2018Ռուսաստանի հավաքականի կիսապաշտպան Ալեքսանդր Գոլովինը 5 տարվա պայմանագիր է ստորագրելու «Մոնակոյի» հետ։ Տրանսֆերի համար Ֆրանսիայի առաջնությունում հանդես եկող ակումբը կվճարի 30 միլիոն եվրո։ Գոլովինը կդառնա պատմության ամենաթանկ ռուս ֆուտբոլիստը, իսկ «Մոնակոյում» նրա տարեկան աշխատավարձը կկազմի մոտ 2 միլիոն եվրո:
«Կարծում ենք, որ ճիշտ ձեռքբերում ենք կատարել։ Արեցինք ամեն ինչ, որպեսզի Ալեքսանդրն ընտրի «Մոնակոն»։ Նրա համար մեզ մոտ ստեղծված են հիանալի պայմանները։ Ցանկանում ենք ռուս ֆուտբոլիստին հասցնել եվրոպական բարձր մակարդակի»,- «Մոնակոյի» փոխնախագահ Վադիմ Վասիլևի խոսքն է փոխանցում championat.com-ը։
22-ամյա ֆուտբոլիստը Ռուսաստանի նախորդ առաջնության 27 խաղում դարձել է 5 գոլի և 4 գոլային փոխանցման հեղինակ։
Մինչեւ այս պատմության ամենաթանկ ռուս ֆուտբոլիստն էր Յուրի Ժիրկովը, որին ձեռք բերելու համար Լոնդոնի «Չելսին» 2009-ին 21 միլիոն եվրո էր վճարել Մոսկվայի ԲԿՄԱ-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։