Էմրե Ջան․ Անհավանական է, որ խաղալու եմ Ռոնալդուի հետ
21:49 25 հուլիսի, 2018Թուրինի «Յուվենտուսի» նորեկ Էմրե Ջանը խոսել է պորտուգալացի հարձակվող Կրիշտիանու Ռոնալդուի և առաջիկա ծրագրերի մասին։
«Անհավանական է, որ խաղալու եմ այնպիսին ֆուտբոլիստի հետ, ինչպիսին Ռոնալդուն է։ Հնարավոր է, որ նա լավագույնն է։ Միայն նայեք, թե ինչ հաջողությունների է հասել նա նախորդ մրցաշրջաններում։ Իտալական ակումբները ուրախ չեն, որ Ռոնալդուն խաղալու է այստեղ։
Ես առաջարկներ ունեի անգլիական և իտալական ակումբներից, սակայն ընտրեցի «Յուվենտուսը»։ Ես երջանիկ եմ Թուրինում։ Սա մեծ նախագիծ է։ Մեր գլխավոր նպատակը Սկուդետոն է։ Իհարկե, ցանկանում ենք նաև հաղթել Չեմպիոնների լիգայում»,- գերմանացի կիսապաշտպանի խոսքն է փոխանցում Football Italia-ն։
Հիշեցնենք, որ Էմրե Ջանը «Յուվենտուս» է տեղափոխվել ազատ գործակալի կարգավիճակում։ Նրա նախորդ ակումբը անգլիական «Լիվերպուլն» էր։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։