Եվրոպայի լիգա. «Փյունիկի» 5 առաջատար խաղացողներ չեն կարողացել մեկնել Ղազախստան
16:00 25 հուլիսի, 2018Երեւանի «Փյունիկի» 5 առաջատար խաղացողներ, հավանաբար, չեն մասնակցի ղազախական «Տոբոլի» հետ Եվրոպայի լիգայի որակավորման երկրորդ փուլի առաջին խաղին, որը կայանալու է Ղազախստանում:
Sport24-ը գրում է, որ հարձակվողներ Մոհամեդ Կոնատեն, Դրիսա Դիարասուբան, պաշտպաններ Բակարա Բալդեն, Դիդյե Կադիոն ու սերբ դարպասապահ Անդրիա Դրագոեւիչը չեն ստացել Ղազախստանի մուտքի վիզա եւ մնացել են Երեւանում: NEWS.am Sport-ի թղթակցի հետ զրույցում այդ տեղեկությունը հաստատեցին նաեւ «Փյունիկի» մամուլի ծառայությունից: Երեւանյան ակումբը Ղազախստան է մեկնել հուլիսի 25-ին: Թիմի հետ չէ նաեւ Հայաստանի հավաքականի կիսապաշտպան Կառլեն Մկրտչյանը, որն առողջական խնդիրներ ունի:
«Տոբոլ» - «Փյունիկ» խաղը կկայանա հուլիսի 26-ին Ղազախստանի Կոստանայ քաղաքում: Պատասխան հանդիպումը կանցկացվի հուլիսի 31-ին Երեւանում:
Այս զույգի հաղթողը հաջորդ փուլում կմրցի իսրայելական «Մաքաբի Թել Ավիվի» եւ սերբական «Ռադնիչկիի» դիմակայության հաղթողի հետ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։