Սիմեոնե. «Ռեալի» եւ «Բարսելոնայի» հետ մրցակցելու համար գումար չունենք, բայց կստեղծագործենք
13:12 23 հուլիսի, 2018Իսպանիայի առաջնությունում «Բարսելոնայի» եւ Մադրիդի «Ռեալի» հետ չեմպիոնության համար պայքարելու համար Մադրիդի «Աթլետիկոյի» արգենտինացի գլխավոր մարզիչ Դիեգո Սիմեոնեն ունի միայն մեկ լուծում:
«Գործնականում հնարավոր չէ Պրիմերայում առաջ անցնել «Ռեալից» եւ «Բարսելոնայից»: Նախորդ տասնամյակում միայն մեկ անգամ է դա հաջողվել մեզ՝ 2014-ին: Դա եղավ լարված աշխատանքի եւ հզորագույն խաղացողների շնորհիվ:
Առաջատարների հետ մրցակցելու համար մենք այդքան գումար չունենք եւ չենք կարող 150-200 միլիոն եվրո վճարել մեկ խաղացողի համար:
«Աթլետիկոն» պետք է ստեղծագործաբար մոտենա հարցին: Մենք պետք է հստակ հասկանանք, թե ինչ է անհրաժեշտ ակումբին եւ ինչպես հզորացնել մեր խաղը»,- Սիմեոնեի խոսքը մեջբերում է AS-ը:
Հիշեցնենք, որ Իսպանիայի անցած առաջնությունում «Աթլետիկոն» գրավեց երկրորդ տեղը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։