«Արարատ-Արմենիան» ուժեղացնում է կազմը, «Երեւանը» հրավիրել է 10 ռուսաստանցիների, «Շիրակը» վերադարձնում է խաղացողներին
10:44 23 հուլիսի, 2018Հայկական թիմերը նոր համալրումներով շարունակում են պատրաստվել մրցաշրջանի մեկնարկին:
«Արարատ-Արմենիան» հայտարարել է հերթական տրանսֆերների մասին: Թիմին են միացել ռուսաստանցի դարպասապահ Արսեն Սիուկաեւը եւ 19-ամյա հարձակվող Արտեմ Ավանեսյանը, որն անցած մրցաշրջանում ներկայացնում էր «Արարատ-Մոսկվան»:
Առաջին լիգայում հայտավորված «Երեւանում» փորձաշրջան են անցնում Ռուսաստանից հրավիրված 10 ֆուտբոլիստներ, որոնց թվում է նաեւ «Ուլիսի», Արմավիրի «Տորպեդոյի» եւ Հայաստանի երիտասարդական հավաքկանի նախկին պաշտպան Իվան Մամախանովը:
Հայաստանի Բարձրագույն խմբում մրցելույթները շարունակելու որոշում ընդունած Գյումրիի «Շիրակը» վերադարձնում է նախկին խաղացողներին:
NEWS.am Sport-ի տվյալներով, «Շիրակ» կարող են վերադառնալ ռուսաստանցի հարձակվող Գեորգի Գոգիչաեւը, կոտդիվուարցի կենտրոնական կիսապաշտպան Մոհամեդ Կաբան, եզրային պաշտպան Աղվան Դավոյանը, որն այժմ «Արարատ-Արմենիայում» է, «Լոռիի» հետ մարզումներ անցկացրած Արտեմ Միքայելյանն ու Արամ Մուրադյանը: Չի բացառվում, որ «Շիրակ» վերադառնա նաեւ դարպասապահ Անատոլի Այվազովը, որը վերջերս պայմանագիր է կնքել Երեւանի «Բանանցի» հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։