Հայաստանի հավաքականի թեկնածուն տեղափոխվել է Ուկրաինա, Մանոյանը՝ Լեհաստան, Աղբալյանը փոխել է թիմը Հոլանդիայում

09:40   23 հուլիսի, 2018

Հայաստանի հավաքականի թեկնածու, դարպասապահ Վալերի Ոսկանյանը հեռացել է Երեւանի «Փյունիկից» եւ վերադարձել է Ուկրաինա: 24-ամյա դարպասապահը տեղափոխվել է առաջին դիվիզիոնում հանդես եկող «Նիկոլաեւ», որտեղ սկսել է պրոֆեսիոնալ կարիերան:

Հայաստանի հավաքականի նախկին խաղացող Դավիթ Մանոյանը պայմանագիր է կնքել «Սանդեցիա» ակումբի հետ, որը հանդես է գալիս Լեհաստանի առաջին դիվիզիոնում: 28-ամյա կիսապաշտպանի նախորդ ակումբը Երեւանի «Ալաշկերտն» էր:

Հայաստանի երիտասարդական հավաքականի կիսապաշտպան Գոռ Աղբալյանը հոլանդական «Հերակլեսից» տեղափոխվել է «Դորդրեխտ», որը ներկայացնում է Հոլանդիայի առաջին դիվիզիոնը:

Հայաստանի երիտասարդական հավաքականի դարպասապահ Մարկ Գրիգորյանը կարիերան կշարունակի Ավստրիայի չորրորդ լիգայի «Դոնաու» թիմում: 19-ամյա խաղացողը նախքան այս հանդես էր գալիս Ավստրիայի 6-րդ լիգայում:

Լուսանկարում՝ Դավիթ Մանոյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։