Վալենսիան անցած մրցաշրջանում թիմի ավագն էր եւ նոր մրցաշրջանում էլ կլինի այդ կարգավիճակում, ասել է անգլիական «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն՝ խոսելով ավագի ընտրության մասին:
«Երբ չի խաղա Վալենսիան, ստիպված կլինենք որոշում ընդունել: Կախված է, թե ով կլինի խաղադաշտում: Թեկնածուներն են Կրիս Սմոլինգը, Էշլի Յանգը, Անդեր Էրերան կամ Խուան Մատան: Նեմանյա Մատիչը եւս ունի անհրաժեշտ որակներ, բայց նա ընդամենը մեկ տարի է թիմում:
Սակայն ես այդ հարցին երբեք մեծ ուշադրություն չեմ դարձնում: Ավելի կարեւոր է կյանքը հանդերձարանում եւ առաջատարների դերը»,- Մոուրինյոյի խոսքը մեջբերում է Goal.com-ը:
«Մանչեսթեր Յունայթեդն» այժմ ԱՄՆ-ում է եւ ընկերական հանդիպումներ կանցկացնի «Լիվերպուլի», «Ռեալի», «Բավարիայի» եւ «Միլանի» հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։