Բենզեման հերքում է

Մադրիդի «Ռեալի» հարձակվող Քարիմ Բենզեման հերքել է լուրերը, թե պայմանավորվածություն ունի իտալական «Միլանի» հետ: Ֆրանսիացի ֆուտբոլիստն Ինստագրամում գրել է, որ որեւէ իտալական ակումբի հետ որեւէ համաձայնության չի հասել:

Իտալական մամուլը սկզբում գրել էր, թե Բենզեման կտեղափոխվի «Նապոլի», սակայն այդ ակումբի նախագահ Աուրելիո Դե Լաուրենտիսը հերքել էր՝ նշելով, որ նա չափազանց ծեր է իր թիմի համար: Բենզեման պատասխանել էր, թե Դե Լաուրենտիսը «խելագար» է: Դրանից հետո սկսվեց շրջանառվել «Միլանի» տարբերակը:

Սակայն մեծ է հավանականությունը, որ Բենզեման այս ամռանը կհեռանա Արքայական ակումբից, որը սկսել է կազմի երիտասարդացում եւ բարեփոխում: