Դեշամ. Տրեզեգեն ու Անրին 1998-ին չունեին այն դերը, որն այսօր ունի Մբապեն Ֆրանսիայի հավաքականում
19:30 21 հուլիսի, 2018Ֆրանսիայի հավաքականի գլխավոր մարզիչ, 1998թ. աշխարհի չեմպիոն Ֆրանսիայի հավաքականի ավագ Դիդյե Դեշամը վստահ է, որ թիմի 19-ամյա հարձակվող Կիլիան Մբապեն գերազանցում է Դավիդ Տրեզեգեին եւ Թիերի Անրիին նրանց 19 տարեկանում: Երկու հարձակվողներն էլ 1998թ. աշխարհի չեմպիոններ են:
«Տրեզեգեն ու Անրին 1998-ին Մբապեի տարիքին էին, բայց նրանք չունեին այդքան կարեւոր դերակատարություն հավաքականում: Մբապեն արդեն կայացած ֆուտբոլիստ է: Նա խելացի է, լսում է մարզիչների հրահանգները, նա կատարում է իմ ասածները, եթե նույնիսկ շտկելիքը ընդամենը 5 տոկոսն է»,- Դեշամի խոսքը մեջբերում է Le Parisien-ը:
Հիշեցնենք, որ Մբապեն ճանաչվեց աշխարհի առաջնության լավագույն երիտասարդ խաղացող:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։