Իտալական «Միլանը» լրջորեն հետաքրքրված է Մադրիդի «Ռեալի» հարձակվող Քարիմ Բենզեմայով, այս մասին հայտնում է իտալացի լրագրող Ջանլուկա Դի Մարցիոն։
Միլանյան ակումբի ղեկավարներն արդեն հանդիպել են ֆուտբոլիստի ներկայացուցիչների հետ, իսկ «Միլանի» գլխավոր մարզիչ Ջենարո Գատուզոն զրուցել է Բենզեմայի հետ։ Նշվում է, որ Բենզեման ևս հետաքրքրված է կարիերան «Միլանում» շարունակելու տարբերակով։
Ֆրանսիայի հավաքականի նախկին ֆուտբոլիստի պայմանագիրն Արքայական ակումբի հետ ավարտվում է 2021 թվականին։ «Միլանը» պատրաստ է Բենզեմային տարեկան 10 միլիոն եվրո աշխատավարձով պայմանագիր առաջարկել։
Նախորդ մրցաշրջանում Բենզեման 47 խաղում դարձել է 12 գոլի և 11 գոլային փոխանցման հեղինակ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։