ՊՍԺ-ի կիսապաշտպանը կտեղափոխվի Ռուսաստանի Պրեմյեր լիգա

Ֆրանսիական ՊՍԺ-ի եւ Լեհաստանի հավաքականի կիսապաշտպան Գժեգոժ Կրիխովյակը կտեղափոխվի Մոսկվայի «Լոկոմոտիվ», հաղորդում է Paris United-ը: Ռուսական ակումբի ներկայացուցիչները Փարիզում բանակցել են եւ համաձայնության են հասել մեկ տարվա վարձակալության պայմանագրի վերաբերյալ: 28-ամյա ֆուտբոլիստը եւս ցանկություն ունի խաղալ Ռուսաստանում:

Մինչեւ ՊՍԺ տեղափոխվելը Կրիխովյակը հանդես է եկել իսպանական «Սեւիլիայում» եւ անգլիական «Վեստ Բրոմվիչում», որտեղ վարձակալությամբ խաղաց անցած մրցաշրջանում: Անգլիայի առաջնության 27 խաղում նա կատարել է 2 գոլային փոխանցում:

Կրխովյակը «Սեւիլիայի» հետ երկու անգամ դարձել է Եվրոպայի լիգայի գավաթակիր: