Նեյմար. Մնում եմ ՊՍԺ-ում

ՊՍԺ-ի եւ Բրազիլիայի հավաքականի հարձակվող Նեյմարը չի պատրաստվում այս ամռանը հեռանալ ֆրանսիական ակումբից: Համաշխարհային մամուլը բազմիցս գրել է, որ 26-ամյա ֆուտբոլիստը բանակցում է Մադրիդի «Ռեալի» հետ:

«Ես մնում եմ ՊՍԺ-ում: Այս ակումբ եմ տեղափոխվել նոր մարտահրավերների եւ նոր տիտղոսի համար: Հույս ունեմ, որ կանցկացնենք հաջող մրցաշրջան: Մամուլը սիրում է սադրել, բայց բոլորին է հայտնի, թե ՊՍԺ-ն ինչ նշանակություն ունի իմ կյանքում»,- Նեյմարի խոսքը մեջբերում է FOX Sports-ը:

Հիշեցնենք, որ Նեյմարն անցած ամռանն է «Բարսելոնայից» տեղափոխվել ՊՍԺ 222 միլիոն եվրոյով: Անցած մրցաշրջանում նա 30 խաղում խփեց 29 գոլ: