Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյոն պատմել է, թե ինչպես է պատրաստվում իր գլխավորած թիմը առաջիկա մրցաշրջանին։
«Պետք է ընդունել, որ սա շատ վատ միջմրցաշրջանային հավաք է, քանի որ բացակայում են մի շարք խաղացողներ։ Կան նաև դրական կողմեր․ երիտասարդ խաղացողների համար սա անհավանական հնարավորություն է, որպեսզի հասկանան, թե ինչ է նշանակում լինել «Յունայթեդի» ֆուտբոլիստ։
Իմ մարզչական շտաբում 3 նորեկ կա։ Պետք է հարմարվել նաև նրանց։ ԱՄՆ-ում ամեն ինչ հիանալի է կազմակերպած։ Մատիչը, Ֆրեդը և Դե Խեան մեզ կմիանան հաջորդ շաբաթ։ Ֆրեդը կարևոր խաղացող է մեզ համար, նա կլրացնի մեր կիսապաշտպանությունը»,- Մոուրինյոյի խոսքն է փոխանցում «Մանչեսթեր Յունայթեդի» պաշտոնական կայքը։
Անգլիական ակումբը մասնակցելու է Չեմպիոնների միջազգային գավաթին, որտեղ խաղալու են «Լիվերպուլի», Մադրիդի «Ռեալի» և «Միլանի» հետ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։