Մարադոնա. Ֆրանսիան աշխարհի չեմպիոն դարձավ հորինած 11 մետրանոցի շնորհիվ
16:37 17 հուլիսի, 2018Ֆուտբոլի Արգենտինայի հավաքականի նախկին խաղացող եւ գլխավոր մարզիչ Դիեգո Մարադոնան քննադատել է աշխարհի առաջնության եզրափակիչում մրցավարների գործողությունները։
«Ֆրանսիան աշխարհի չեմպիոն դարձավ հորինած 11 մետրանոցի շնորհիվ։ Կրկնապատկերի դիտումը պետք է երաշխավորի արդար որոշում։
Եզրափակիչում ես չտեսա ֆուտբոլիստի, որը կկարողանար զարմացնել ինձ։ Չկան անմոռանալի գոլեր։ Այո, Նեյմարն ու Մեսին խաղում են, բայց չունեն օգնականներ, Ազարի հետ են Լուկակուն ու Մերտենսը, Բելգիան շատ լավ թիմ է, բայց նույնիսկ նրանց ես չեմ տեսնում աշխարհի չեմպիոնի դերում»,– Մարադոնայի խոսքը մեջբերում է «Прессбол»–ը։
Հիշեցնենք, որ Մոսկվայում տեղի ունեցած եզրափակիչում Ֆրանսիայի հավաքականը 4։2 հաշվով հաղթել է Խորվաթիայի թիմին։ Երկրորդ գոլը ֆրանսիացիները խփեցին 11 մետրանոցից հետո։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.