Լոնդոնի «Չելսիի» նախկին գլխավոր մարզիչը հրաժեշտ է տվել անգլիական ակումբին։
«Ցանկանում եմ շնորհակալություն հայտնել «Չելսիի» իմ ընկերներին, որոնց օգնությամբ մենք հաղթեցինք առաջնությունում և Անգլիայի գավաթում։
Ես հաճույք եմ ստացել Անգլիայում անցկացրած ժամանակից։ Երկրպագուները հիանալի վերաբերմունքի արժանացրին ինձ և ընտանիքիս։ Երկրպագուները միշտ կմնան իմ սրտում։
Հուսով եմ, որ «Չելսին» կշարունակի հաջողություններ գրանցել»,- Կոնտեի խոսքն է փոխանցում football-italian-ն։
Կոնտեի ղեկավարությամբ ակումբը 6-րդ անգամ նվաճեց Անգլիայի չեմպիոնի տիտղոսը, 8-րդ անգամ՝ Անգլիայի գավաթը: Հաղթական մրցաշրջանի ընթացքում «Չելսին» սահմանեց ռեկորդ՝ Պրեմիեր լիգայի 38 խաղում տանելով 30 հաղթանակ, ակումբի համար ռեկորդային՝ 13 անընդմեջ հաղթանակ:
Պրեմիեր լիգայի անցած մրցաշրջանում «Չելսին» գրավեց 5-րդ տեղը եւ չկարողացավ նվաճել Չեմպիոնների լիգայի ուղեգիր:
Կոնտեն մտադիր է ստանալ 11 միլիոն եվրո փոխհատուցում ժամանակից շուտ պայմանագիրը խզելու համար:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։