Մանջուկիչը կրկնեց Պուշկաշի, Ցիբորի, Մյուլերի եւ Զիդանի նվաճումը

11:07   16 հուլիսի, 2018

Խորվաթիայի հավաքականի հարձակվող Մարիո Մանջուկիչը աշխարհի առաջնության եզրափակիչում խփած գոլի շնորհիվ կրկնեց Ֆերենց Պուշկաշի, Զոլթան Ցիբորի, Գերդ Մյուլերի եւ Զինեդին Զիդանի նվաճումը։

Այս ֆուտբոլիստները գոլերի հեղինակներ են դարձել Չեմպիոնների լիգայի եւ աշխարհի առաջնության եզրափակիչներում։ 32-ամյա ֆուտբոլիստը Մոսկվայի «Լուժնիկի» ստադիոնում տեղի ունեցած եզրափակիչում աչքի էր ընկել 69-րդ րոպեին։ Խորվաթիայի հավաքականը ֆրանսիացիներին պարտվել է 2։4 հաշվով։

2016-2017թթ․ Չեմպիոնների լիգայի եզրափակիչում Մանջուկիչը Թուրինի «Յուվենտուսի» կազմում գրավել էր Մադրիդի «Ռեալի» դարպասը։ Իտալական թիմը պարտվել էր 1։4 հաշվով։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։