ԱԱ-2018․ Եզրափակիչ առանց սուր պայքարի կամ ինչպես Ֆրանսիան 20 տարի անց դարձյալ նվաճեց աշխարհի գավաթը
22:49 15 հուլիսի, 2018Ահա եւ ավարտվեց աշխարհի առաջնությունը, որը հրաշալի անցկացրեց Ռուսաստանը։ Ֆրանսիայի եւ Խորվաթիայի մասնակցությամբ եզրափակիչը սպասվում էր մեծ հետաքրքրությամբ, բայց անզիջում պայքարի, ինտրիգի եւ դրամատիզմի իմաստով չարդարացրեց սպասելիքները։
Այս երեկո Դիդյե Դեշամի գլխավորած թիմը պարզապես ուժեղ էր խորվաթներից խաղի բոլոր բաղադրիչներով։ Այո, տեսանք 6 գոլ, շատ գեղեցիկ գոլեր, 11 մետրանոց, որը մրցավարը նշանակեց կրկնապատկերն ուսումնասիրելուց հետո, դարպասապահների կոպիտ սխալներ։ Սակայն Ֆրանսիայի համար ամեն ինչ շատ կանխատեսելի եւ հանգիստ ընթացք ունեցավ։
20 տարի անց ֆրանսիացիները դարձյալ նվաճեցին աշխարհի գավաթը։ Սուպերտաղանդավոր սերունդը հրաշալի Դեշամի ղեկավարությամբ երկրորդ փորձից հաղթեց եվրոպական եզրափակիչում տնային Եվրո-2016-ին Պորտուգալային պարտվելուց հետո։
Իսկ 2018-ի աշխարհի առաջնության իսկական հայտնությունն ու հերոսները դարձած խորվաթ ֆուտբոլիստները արժանի են մեծագույն դրվատանքի, անկախ եզրափակիչի արդյունքից։
Իհարկե, ցավալի է Լուկա Մոդրիչի համար, որն արժանիորեն ստացավ առաջնության լավագույն խաղացողի մրցանակը, բայց մրցանակաբաշխության ժամանակ նա ոչ մի կերպ չէր կարողանում թաքցնել հիասթափությունը եւ նույնիսկ գլխավերեւում չպահեց «Ոսկե գնդակը»։
Իսկ լավագույն երիտասարդ խաղացողի մրցանակը ստացավ ֆրանսիական ՊՍԺ-ի հարձակվող Կիլիան Մբապեն, որը 19 տարեկանում լավագույններից մեկն է համաշխարհային ֆուտբոլում եւ կարելի է կանխատեսել, որ մոտ ապագայում նա կլինի ժամանակակից ֆուտբոլի լավագույն խաղացողը։ Ռուսաստանի ստադիոններում տեղի ունեցած մրցաշարը կհիշվի դիտարժան, գրավիչ, ինտրիգային, սենսացիաներով լի, հիշարժան ու անմոռանալի խաղերով։
Աշխարհի առաջնությունը ֆուտբոլասերների համար համարժեք է ամառային արձակուրդի ավարտին դպրոցականների համար։ Յուրօրինակ ֆուտբոլային «սեպտեմբերի 1»-ից հետո մնում է միայն վերհիշել լավագույն պահերը մինչեւ ազգային առաջնությունների եւ եվրագավաթային մրցաշարերի մեկնարկը։
Սամվել Սուքիասյան
NEWS.am-ում աշխարհի առաջնության լուսաբանման գլխավոր գործընկերն է TotoGaming-ը:
Ժամանակն է սկսել նոր հաղթանակների ուղին TotoGaming-ի հետ։
Առաջին քայլը կօգնի անել Ողջույնի բոնուսը։
Դուք կստանաք 2000 Դ FreeBet պարզապես գրանցվելով www.totogaming.am կայքում։
Մանրամսները․ www.totogaming.am
Օրվա հավանական հաղթող խաղադրույքներին կարող եք ծանոթանալ TotoExpert.am–ում։
Լուսաբանման գործընկերն է Ucom-ը:
Այս ամառ Ռուսաստանում ինտերնետն ընդամենը 15 դրամ:
Ընդամենը 15դրամ/ՄԲ ռոմինգում ևս 42 երկրում:
Ucom. Ձեր հանգստի օպերատորը: Մանրամասները՝ այստեղ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.