Իվան Պերիշիչը բաց է թողել Խորվաթիայի հավաքականի մարզումը
21:12 14 հուլիսի, 2018Խորվաթիայի հավաքականի կիսապաշտպան Իվան Պերիշիչի մասնակցությունը Ֆրանսիայի հավաքականի դեմ աշխարհի առաջնության եզրափակիչ հանդիպմանը հարցականի տակ է: Ֆուտբոլիստը ծնկահոդի վնասվածքի պատճառով չի կարողացել մասնակցել թիմի մարզմանը, որը տեղի է ունեցել հուլիսի 14-ին Մոսկվայի «Լուժնիկի» ստադիոնի խաղադաշտերից մեկում, հաղորդում է Football Italia-ն: Խորվաթիայի թիմի մյուս ֆուտբոլիստները մարզվել են ընդհանուր խմբում:
Պերիշիչը մենիսկի վնասվածք էր ստացել Անգլիայի հավաքականի դեմ կիսաեզրափակիչի խաղում (Խորվաթիան լրացուցիչ ժամանակում հաղթել էր 2:1 հաշվով): Խաղից հետո Պերիշիչը հետազոտվել է Մոսկվայի Բոտկինի անվան հիվանդանոցում:
Հուլիսի 15-ին «Լուժնիկիում» կայանալիք եզրափակիչը կմեկնարկի Երեւանի ժամանակով 19:00-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.