Լոնդոն-2012. Արթուր Ալեքսանյանը հաղթեց թուրք ըմբիշին
21:02 7 օգոստոսի, 2012Արթուր Ալեքսանյանը Լոնդոնի Օլիմպիական խաղերի հունահռոմեական ոճի ըմբշամարտի 96 կգ քաշայինների մրցաշարում բրոնզե մեդալի համար առաջին սփոփիչ գոտեմարտում հանդիպեց թուրք Ջենկ Իլդեմի հետ:
Առաջին մրցափուլում Արթուր Ալեքսանյանը հաղթեց 1։0 հաշվով։ Երկրորդ մրցափուլում թուրք ըմբիշն էր պաշտպանվողի դիրքում։ Արթուր Ալեքսանյանը կարողացավ գլորում կատարել, երկու միավոր վաստակել եւ հաղթանակ տանել։
Բրոնզե մեդալի համար Ալեքսանյանը կգոտեմարտի կուբացի Էստրադա Ֆալկոնի հետ։
Հիշեցնենք, որ 1/8 եզրափակիչում 2012թ. Եվրոպայի չեմպիոն Արթուր Ալեքսանյանը վստահ հաղթանակ էր տարել Իտալիայի ոստիկանության սպա Դաիգարո Տիմոնչինիի նկատմամբ, սակայն քառորդ եզրափակիչում հայ ըմբիշը պարտվել էր իրանցի Խասեմ Խոլամրեզա Ռեզայիին: Քանի որ իրանցի ըմբիշը եզրափակիչի ուղեգիր նվաճեց, 22-ամյա Ալեքսանյանը հնարավորություն ստացավ պայքարել բրոնզե մեդալի համար:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.