Բելգիայի հավաքականի գլխավոր մարզիչ Ռոբերտո Մարտինեսը խոսել է Անգլիայի հետ կայանալիք հանդիպման մասին։ ԱԱ-2018-ի երրորդ տեղի խաղը տեղի կունենա հուլիսի 14-ին Սանկտ Պետերբուրգի համանուն ստադիոնում։
«Ցանկանում եմ, որ իմ ֆուտբոլիստները հաճույք ստանան ֆուտբոլից և փորձեն հաղթել։ Մենք Սաութգեյթի հետ տակտիկական պայքար չենք մղելու։
Շատ լավ գիտեմ Լուկակուին։ Միշտ ասել եմ, որ Ռոմելուն այնպիսի հարձակվող է, որը կարող է ամեն ինչ անել։ Նրա նպատակն է լինել լավագույնը աշխարհում։
Կուրտուան կլինի դարպասին։ Մենք ռոտացիա չենք անելու։ Սիմոն Մինյոլեն ևս պատրաստ է, բայց նա մեր երկրորդ համարն է։ Անգլիայի հետ կփորձենք խաղալ ուժեղագույն կազմով»,- Մարտինեսի խոսքն է փոխանցում championat.com-ը։
Հիշեցնենք, որ աշխարհի առաջնության կիսաեզրափակիչում Բելգիան պարտվեց Ֆրանսիային, իսկ Անգլիան՝ Խորվաթիային։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։