Նոյեր․ ԱԱ-ի եզրափակիչին կհետևեմ որպես չեզոք երկրպագու  

09:50   13 հուլիսի, 2018

Մյունխենի «Բավարիայի» և Գերմանիայի հավաքականի դարպասապահ Մանուել Նոյերն ասել է, որ Ռուսաստանում ավարտին մոտեցող ֆուտբոլի աշխարհի առաջնության եզրափակիչում համակրելի հավաքական չի ունենալու։

«Կիրակի կլինեմ չեզոք երկրպագու։ Երկու թիմերում էլ կան խաղացողներ, որոնց հետ ես կապի մեջ եմ։ Իվան Ռակիտիչի հետ մշտապես շփվում ենք, մենք միասին ենք խաղացել «Շալկեում»։ Կորենտին Տոլիսոն էլ իմ թիմակիցն է «Բավարիայում»։ Երկուսին էլ լավ հանդիպում եմ մաղթում»,- գրել է Նոյերը Ֆեյսբուքի իր պաշտոնական էջում։

Հիշեցնենք, որ ԱԱ-2018-ի եզրափակիչում կհանդիպեն Ֆրանսիան և Խորվաթիան։ Հանդիպումը տեղի կունենա հուլիսի 15-ին Մոսկվայի «Լուժնիկի» ստադիոնում և կմեկնարկի Երևանի ժամանակով 19։00-ին։

 



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։