Դարիո Շիմիչ․ Լուկա Մոդրիչն այս պահին աշխարհի լավագույն ֆուտբոլիստն է
16:28 12 հուլիսի, 2018Իտալական «Միլանի» եւ Խորվաթիայի հավաքականի նախկին խաղացող Դարիո Շիմիչը խորվաթների ավագ, Մադրիդի «Ռեալի» կիսապաշտպան Լուկա Մոդրիչին համարում է աշխարհի լավագույն ֆուտբոլիստը։
«Մոդրիչն այս առաջնության լավագույն խաղացողն է։ Նա բացարձակ արժանի է «Ոսկե գնդակի»։ Այս պահին նա է աշխարհի լավագույն ֆուտբոլիստը։
Մեր հավաքականում կան գերազանց փորձառու խաղացողներ, որոնք գիտեն՝ ինչպես հաղթել․ Մոդրիչ, Ռակիտիչ, Մանջուկիչ, Սուբաշիչ։ Նրանք կհասցնեն վերականգնվել մինչեւ եզրափակիչ։ Նրանցից մի քանիսն արդեն հաղթել են Չեմպիոների լիգայում։ Աշխարհի առաջնության եզրափակիչ հասնելու գիտակցումը լրացուցիչ ուժ կտա։
Միշտ դժվար է համեմատել 1998 թվականի հավաքականն ու այսօրվա թիմը։ Այն ժամանակ մեր երկիրը երիտասարդ էր, հիմա ավելի հեշտ է հասնել արդյունքի։ Եզրափակիչը հրաշալի է, մնում է հաղթել»,- ասել է 1998թ․ աշխարհի առաջնության բրոնզե մեդալակիր Շիմիչը Sport-express-ին։
Հիշեցնենք, որ խորվաթները Անգլիայի հավաքականին հաղթեցին լրացուցիչ ժամանակում Մարիո Մանջուկիչի խփած գոլի շնորհիվ՝ 2։1։
Հուլիսի 15-ին «Լուժնիկիում» կայանալիք Ֆրանսիա - Խորվաթիա եզրափակիչ խաղը կմեկնարկի Երեւանի ժամանակով 19։00-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.