Ժոզե Մոուրինյոն՝ Ֆրանսիա - Բելգիա հանդիպման մասին
09:31 11 հուլիսի, 2018Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյոն խոսել է ԱԱ-2018-ի կիսաեզրափակիչ փուլում տեղի ունեցած Ֆրանսիա - Բելգիա հանդիպման մասին։ Հիշեցնենք, որ ֆրանսիացիները հաղթեցին նվազագույն հաշվով և դուրս եկան եզրափակիչ։ Միակ գոլը խփեց Սամուել Ումտիտին։
«Ավելի նախաձեռնող էին բելգիացիները, իսկ ֆրանսիացիներ հնարավորություն ունեին հակագրոհելու։ Բելգիան վերադառնալու է տուն այն մտքով, որ կարող էր ավելի լավ խաղալ ։
Դա Ազարին չի վերաբերվում, նա արեց այն, ինչին ունակ էր։ Մնացածն ուղղակի թաքնվել էին։ Հնարավոր է, որ նրանք ավելի ակտիվացան վերջին 20-25 րոպեներին, սակայն արդեն ուշ էր։
Ֆրանսիացիները կարողացան վերահսկել խաղը։ Վարանը իրեն հիանալի դրսևորեց։ Շատ լավ խաղաց Պոգբան, երբ հարվածային դիրք դուրս գալու հնարավորություն ուներ, նա դա անում էր։
Կարող էր նաև ոչ ոքի գրանցվել։ Զգում էի, որ շատ գոլեր չի լինելու։ Ավելի շատ նյարդային պայքար էր»,- Մոուրինյոյի խոսքն է փոխանցում RT-ն։
Եզրափակիչի մյուս մասնակիցը հայտնի կդառնա հուլիսի 11-ին կայանալիք Անգլիա - Խորվաթիա խաղում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.