Կարեն Խաչանով. Հաջորդ մրցախաղում ինձ կդիմակայի շատ ուժեղ մրցակից
23:33 8 հուլիսի, 2018Թենիսի Ուիմբլդոնի մրցաշարի 1/8 եզրափակիչում Ռուսաստանի երկրորդ ռակետ Կարեն Խաչանովի մրցակիցը կլինի աշխարհի նախկին առաջին ռակետ, սերբ Նովակ Ջոկովիչը:
«Իհարկե, շատ եմ ցանկանում դուրս գալ քառորդ եզրափակիչ, բայց հաջորդ մրցախաղում ինձ կդիմակայի շատ ուժեղ մրցակից: Անկասկած, ես կանեմ հնարավոր ամեն ինչ, որպեսզի հասնեմ հաղթանակի:
Ես սիրում եմ պայքարել լավագույնների հետ: Հենց դրա համար ենք մենք աշխատում մարզումների ժամանակ: Այդպիսի հանդիպումները տալիս են մեծ փորձ եւ վստահություն»,- Կարեն Խաչանովի խոսքը մեջբերում է Gotennis-ը:
Խաչանով - Ջոկովիչ մրցախաղը տեղի կունենա հուլիսի 9-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։