Ռակիտիչ. Խորվաթիան չի կարող բաց թողնել եզրափակիչ դուրս գալու պատմական շանսը

13:07   8 հուլիսի, 2018

Խորվաթիան չի կարող բաց թողնել եզրափակիչ դուրս գալու պատմական շանսը, ասել է «Բարսելոնայի» կիսապաշտպան Իվան Ռակիտիչը աշխարհի առաջնության քառորդ եզրափակիչում Ռուսաստանի նկատմամբ տարած հաղթանակից հետո (2:2, 11մ՝ 4:3):

«Անհավանական է՝ մենք կիսաեզրափակիչում ենք: Բայց մենք չենք կարող սահմանափակվել սրանով, պետք է հասնել եզրափակիչ: Անհավանական հույզերունեմ, պատկերացնում եմ, թե ինչպես են տոնում Խորվաթիայում:

Ընդհանուր առմամբ՝ մենք ռուսներից լավ խաղացինք եւ արժանիորեն դուրս եկանք կիսաեզրափակիչ, թեեւ շատ բարդ էր: Ռուսաստանը մեր դեմ ավելի լավ խաղաց, քան Իսպանիայի դեմ: Նրանք պայքարեցին մինչեւ վերջին վայրկյանը:

Մենք հարգում ենք անգլիացիներին, որոնք հորինել են ֆուտբոլը: Անգլիայի հավաքականը շատ լավ է հանդես գալիս աշխարհի առաջնությունում»,- Ռակիտիչի խոսքը մեջբերում է Mundo Deportivo-ն:

Կիսաեզրափակիչում Անգլիայի եւ Խորվաթիայի հավաքականների հանդիպումը տեղի կունենա հուլիսի 11-ին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։