Շվեդիա - Անգլիա․ Ջեյմի Վարդիի մասնակցությունը հարցականի տակ է
14:52 6 հուլիսի, 2018Ֆուտբոլի Անգլիայի հավաքականի գլխավոր մարզիչ Գարեթ Սաութգեյթը կասկածում է, որ հարձակվող Ջեյմի Վարդին կկարողանա մասնակցել Շվեդիայի հավաքականի դեմ աշխարհի առաջնության քառորդ եզրափակիչի հանդիպմանը, հաղորդում է Sky Sports-ը։
31-ամյա ֆուտբոլիստը աճուկի մկանային վնասվածք է ստացել 1/8 եզրափակիչում Կոլումբիայի հավաքականի հանդիպման (1:1, 11մ՝ 4:3) ժամանակ փոխարինման դուրս գալուց հետո։
«Վարդիի մասնակցությունը հարցականի տակ է։ Բայց վաղն ավելի հստակ կլինի։ Մյուսները մասնակցել են մարզմանը, թեեւ քիչ ենք մնացել խաղադաշտում։
Հիմա մենք քիչ ժամանակ են անցկացնում խաղադաշտում։ Հիմնական տվյալները ֆուտբոլիստներին փոխանցում ենք ժողովների ժամանակ։ Հիմա գլխավոր խնդիրը ֆիզիկական եւ հոգեբանական վերականգնումն է»,- Սաութգեյթի խոսքը մեջբերում է Goal.com-ը։
Շվեդիա - Անգլիա հանդիպումը տեղի կունենա հուլիսի 7-ին Սամարայում եւ կմեկնարկի Երեւանի ժամանակով 18։00-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.