Տաբարես․ Ուրուգվայի հավաքականը շատ է ցանկանում հաղթել Ֆրանսիային
22:50 5 հուլիսի, 2018Ուրուգվայի հավաքականի գլխավոր մարզիչ Օսկար Տաբարեսը խոսել է ԱԱ-2018-ի քառորդ եզրափակիչ փուլում կայանալիք Ֆրանսիայի հետ հանդիպման մասին։
«Մենք չգիտենք, թե վաղը ինչ է լինելու, սակայն շատ ենք ցանկանում հաղթել այդ խաղում։
Կավանին կարևոր խաղացող է Ուրուգվայի համար։ Նա լավ խաղաց Պորտուգալիայի դեմ։ Վնասվածքը ստանալուց հետո նա ամեն ինչ անում է, որ շուտ ապաքինվի։ 24 ժամից պարզ կլինի նրա մասնակցության հարցը»,- Տաբարեսի խոսքն է փոխանցում ՖԻՖԱ-ի մամուլի ծառայությունը։
Ֆրանսիա - Ուրուգվայ հանդիպումը տեղի կունենա հուլիսի 6-ին Նիժնի Նովգորոդի համանուն ստադիոնում և կմեկնարկի Երևանի ժամանակով 18։00-ին։
Հիշեցնենք, որ Ֆրանսիայի հավաքականը 1/8 եզրափակիչում հաղթեց Արգենտինային (4:3), իսկ Ուրուգվայը՝ Պորտուգալիային (2:1)։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.