Սամպաոլի․ Ես հիասթափված եմ, սակայն այսօր որոշում չեմ կայացնի  

Արգենտինայի հավաքականի գլխավոր մարզիչ Խորխե Սամպաոլին խոսել է Ֆրանսիայից կրած պարտության մասին։ Հիշեցնենք, որ ԱԱ-2018-ի 1/8 եզրափակիչում Ֆրանսիան  հաղթեց 4։3 հաշվով։

«Դուրս մնալը շատ ցավոտ է, խաղացողները մեծ ծավալի աշխատանք կատարեցին։ Ես հիասթափված եմ, սակայն ապագայիս հարցում որոշում այսօր չեմ կայացնի։

Դեռ վաղ է սխալները վերլուծելու համար։ Շատ արագ թիմի հետ էինք խաղում։ Շատ էինք սխալվում փոխանցումներ կատարելիս։

Շնորհակալ եմ իմ ֆուտբոլիստներին, նրանք արեցին ամեն ինչ, որպեսզի մենք շարունակեինք պայքարը»,- ասել է Սամպաոլին։

Արգենտինայի հավաքականին դուրս թողած Ֆրանսիան քառորդ եզրափակիչում կխաղա Ուրուգվայ - Պորտուգալիա զույգի հաղթողի հետ։